Jannathul Uloom Arabic College 52th Anniversary Convocation ജന്നത്തുൽ ഉലൂം അറബിക് കോളേജ് 52-ാം വാർഷിക സനദ് ദാന സമ്മേളനം

ജന്നത്തുൽ ഉലൂം അറബിക് കോളേജ്

പാലക്കാട്‌ നഗരത്തിനടുത്തുള്ള വലിയങ്ങാടിയിൽ സ്ഥിതിചെയ്യുന്ന ഒരു മതകലാലയമാണ് ജന്നത്തുൽ ഉലൂം അറബിക് കോളേജ്. ജില്ലയുടെ കിഴക്കൻ മേഖലയിൽ ദീനി വിജ്ഞാനം എത്തിക്കുക എന്നതായിരുന്നു സ്ഥാപിത ലക്ഷ്യം. 1967ൽ ശൈഖുനാ ഇ .കെ. ഹസൻ മുസ്‌ലിയാരാണ് ഈ കോളേജ് സ്ഥാപിച്ചത്. അദ്ദേഹം തന്നെയായിരുന്നു ആദ്യത്തെ കോളേജ് പ്രിൻസിപ്പാളും

അബ്ദുറഹ്മാൻ ബാഫഖി തങ്ങൾ, ശൈഖുനാ കണ്ണിയത് അഹമ്മദ് മുസ്‌ലിയാർ, ശൈഖുനാ EK അബൂബക്കർ മുസ്‌ലിയാർ തുടങ്ങി നിരവധി പണ്ഡിത ശ്രേഷ്ഠരുടെ പാദ സ്പർശങ്ങൾ ഏറ്റ തിരു മുറ്റമാണ് ജന്നത്തുൽ ഉലൂം. സമസ്തയുടെ പല പ്രധാന തീരുമാനങ്ങൾ എടുക്കുന്നതിന് സാക്ഷ്യം വഹിക്കാൻ വേദിയായിട്ടുമുണ്ട് എന്നത് സ്ഥാപനത്തിന് അഭിമാനിക്കാൻ ഇട നൽകുന്ന ഒന്നാണ്.

ഇ.കെ. ഹസൻ മുസ്‌ലിയാർക്കു ശേഷം സി.കെ.എം. സ്വാദിഖ് മുസ്‌ലിയാരായിരുന്നു പ്രിൻസിപ്പാൾ. അരിപ്ര അബ്ദുള്ള മുസ്‌ലിയാർ, എ.പി. കുമരംപുത്തൂർ മുഹമ്മദ്‌ മുസ്‌ലിയാർ, മുഹമ്മദ്‌ റഷീദ് ഫൈസി, ആനമങ്ങാട് അബ്ദുറഹ്മാൻ ബാഖവി എന്നിവരും പ്രിൻസിപ്പാൾന്മാരായിട്ടുണ്ട്.കൂടാതെ ഏതാനും ചില ദിവസങ്ങൾ മാത്രം ശൈഖുനാ നാട്ടിക വി. മൂസ മുസ്‌ലിയാർ മുദരിസ്സായി സേവനം അനുഷ്ഠിച്ചിടുണ്ട് നിലവിൽ ഉസ്താദ് NAഹുസൈൻ മന്നാനി പ്രിൻസിപ്പാളും ഇരട്ട സഹോദരനായ ഉസ്താദ് NA സൈനുദ്ദീൻ മന്നാനി വൈസ് പ്രിൻസിപ്പളുമാണ്.

ഇവിടെ നിന്നും ഉലൂമി ബിരുദം നേടി പഠിച്ചിറങ്ങിയ പണ്ഡിതർ ഇന്ന് കേരളത്തിനകത്തും പുറത്തും സേവനമനുഷ്ഠിക്കുന്നു. കോളേജിന്റെ വാർഷിക സമ്മേളനങ്ങളിൽ വെച്ചാണ് സനദ് നൽകാറുള്ളത്